Żewġ gowls lejn tmiem il-partita kienu biżżejjed għal Arsenal biex isaħħu posthom fil-ħames post fil-klassifika punt biss taħt Manchester United iżda jonqoshom jilgħabu żewġ partiti oħra. Wara biss għaxar minuti Wolves marru fil-vantaġġ permezz ta’ HEE CHAN HWANG li approfitta minn żball ta’ Gabriel biex għeleb lil Aaron Ramsdale għall-uniku gowl matul l-ewwel taqsima. Arsenal fetħu t-tieni taqsima fuq l-offensiva fejn minkejja li dettaw għal ħin twil, kien biss fit-82 minuta li kisbu l-gowl tad-draw. Minn azzjoni ta’ Edward Nketiah kien NICOLAS PEPE li għeleb lil Jose’ Sa għal 1 – 1. Bil-partita destinatha li tintemm fi draw, fis-sitt minuta ta’ ħin miżjud fl-aħħar azzjoni tal-partita kien ALEXANDRE LACAZETTE li b’mod drammatiku għeleb lil Jose’ Sa li wassal għall-erbatax ir-rebħa tal-istaġun.
PREMIER LEAGUE
Illum: Arsenal v Wolves 2-1, Għada: Southampton v Norwich 9.00pm
