B’aggregate ta’ 5 – 3 Barcelona għaddew għal fażi li jmiss tal-Europa League riżultat wkoll tal-mod kif iddettaw il-partita f’Napli. Barcelona fetħu fuq l-offensiva tant li wara biss tmien minuti fetħu l-iskor. Minn azzjoni ta’ Adama Traore kien JORDI ALBA li għeleb lil Alex Meret. Napoli naqsu milli jwettqu reazzjoni b’Barcelona japprofittaw bi FRENKIE DE JONG jgħeleb lil Meret fit-13 il-minuta għat 2 – 0 . Fit-23 minuta Napoli naqqsu l-iskor .Foul ta’ Ter Stegen fuq Osimhen sabiex mill-penalty LORENZO INSIGNE għeleb lil istess Ter Stegen. Minuta minn tmiem l-ewwel taqsima Barcelona fetħu mill-ġdid vantaġġ doppju permezz ta’ GERARD PIQUE għat 3 – 1. Bil-partita magħluqa t-tieni taqsima kienet biss formalita’. Fid-59 minuta l-iskor sar 4 – 1 .Pass ta’ Adama Traore lejn PIERRE EMERICK AUBAMEYANG li mill-ġdid għeleb lil Meret. Fis-87 minuta Napoli għamlu l-iskor aktar rispettabbli b’gowl minn MATTEO POLITANO għall-4 – 2
Porto jgħaddu għar-rawnd li jmiss fuq aggregate ta’ 4 – 3. Kienu Lazio li marru fil-vantaġġ fid-19 il-minuta permezz ta’ CIRO IMMOBILE li approfitta minn żball ta’ Pepe biex għeleb lil Diogo Costa. Reazzjoni minn Porto li fil-31 minuta għal foul ta’ Milinkovic Savic fuq Taremi għamlu l-iskor indaqs minn penalty mgħoti u skorjat minn MEHDI TAREMI. Fit-68 minuta minn azzjoni ta’ Taremi kien MATEUS URIKE li għeleb lil Thomas Strakosha biex poġġa lil Porto fil-vantaġġ. Ta’ konsolazzjoni għal Lazio il-gowl tad-draw fil-95 minuta permezz ta’ DANILO CATALDI li iżda ma kienx biżżejjed biex jisfurzaw il-ħin barrani.
Atalanta għaddew għar-rawnd li jmiss b’aggregate ta’ 5 – 1 Kollox faċli għal Atalanta fil-mument li fetħu l-iskor fl-40 minuta permezz ta’ MARTEN DE ROON li minn pass ta’ Jaekim Maehle. Fit-tieni taqsima fis-66 minuta Atalanta rduppjaw permezz ta’ RUSLAN MALINOVSKYI li minn azzjoni ta’ Teun Koopmeiners għeleb lil Tomas Vaclik. Tlett minuti wara l-iskor sar 3 – 0 mill-ġdid permezz ta’ MALINOVSKI minn azzjoni ta’ Jeremie Boga.
UEFA EUROPA LEAGUE
Illum: D.Zagreb v Sevilla 1-0, Lazio v Porto 2-2, Olympiacos v Atalanta 0-3, R.Sociedad v RB Leipzig 1-3, Napoli v Barcelona 2-4, Rangers v B.Dortmund 2-2, R.Betis v Zenit 0-0
UEFA CONFERENCE LEAGUE
Illum: Bodoe v Celtic 2-0, M. Tel Aviv v PSV 1-1, P.Belgrad v S.Prague 2-1, Qarabag v Marseille 0-3, Randers v Leicester 1-3, S.Prague v Fenerbache 3-2, Vitesse v Rapid Wien 2-0
