L-organizzazzjoni Doctors for Road Safety tinsab imħassba ferm dwar kemm it-toroq Maltin huma siguri. Fi stqarrija huma qalu li l-fatalità li seħħet dalgħodu tkompli ma’ sensiela ta’ mwiet li smajna bihom f’dawn l-aħħar xhur li seħħew fit-toroq Maltin.
Doctors for Road Safety qalu li f’pajjiżna għandu jkun hawn iktar sigurtà fit-toroq Maltin fejn għandha titwaqqaf Awtorita dedikata apposta għas-sigurtà fit-toroq.
Filfatt il-Kap tal-Partit Nazzjonalista Bernard Grech ilu ħafna jisħaq li r-residenti għandhom iħossuhom iktar siguri fil-lokalitajiet tagħhom stess kif ukoll waqt li jkunu mexjin fit-toroq Maltin. Gvern ġdid Nazzjonalista se jara li tissaħħaħ is-sigurtà fil-lokalitajiet bil-għan li jkun hemm lokalitajiet kompletament sikuri.
