Il-coach Arġentin Marcelo Bielsa ħalla lit-tim ta’ Leeds fil-Premier League wara t-telfa ta’ 4-0 kontra Tottenham. Bielsa ħalla l-irwol tiegħu fit-tmexxija ta’ Leeds wara serje ta’ riżultati negattivi għall-club, fosthom telfiet kbar kontra Liverpool, Man City u Arsenal. Bielsa ħa f’idejh it-tim fl-2018 u se jkun qed iħallihom żewġ punti ‘l fuq miż-żona ta’ relegazzjoni. Bielsa kien maħbub ferm fost il-partitarji ta’ Leeds, b’bosta jfaħħru l-istil ta’ logħob u l-mentalita’ li biha jipprepara t-tim. Intant, il-coach Amerikan Jesse Marsch mistenni jilħaq ftehim fil-jiem li ġejjin biex jieħu post Bielsa, bl-aħħar esperjenza tiegħu tkun ma’ RB Leipzig fil-Bundesliga.
