Raġel ta’ 39 sena resident San Pawl il-Baħar qed isofri minn grieħi gravi wara inċident f’Għajnsielem fi Triq l-Imġarr. L-inċident seħħ dalgħodu għall-ħabta tas-1am.
Fuq il-post issejjaħ tim mediku u membri mid-Dipartiment tal-Protezzjoni Ċivili sabiex jassistu lir-raġel. Ambulanza ħadet lix-xufier l-Isptar Ġenerali t’Għawdex sabiex jingħata l-kura meħtieġa fejn aktar tard, hu ġie ċċertifikat li qed isofri minn ġrieħi ta’ natura gravi.
L-investigazzjonijiet mill-Pulizija għadhom għaddejjin.
