Is-sewwieq Russu Nikita Mazepin mhux se jitħalla jsuq fil-Grand Prix ta’ Silverstone wara li Motorsport UK, l-awtorita’ nazzjonali tal-motorsport, projbit sewwieqa Russi milli jikkompetu fir-Renju Unit. Missier Mazepin, Dmitry, hu wieħed mill-investituri ewlenin fit-tim tal-Formula 1 Haas u huwa wieħed mill-persuni qrib Vladimir Putin.
Madanakollu, Haas mistennija jneħħu lis-sewwieq Russu mit-tim tagħhom, għalkemm deċiżjoni finali dwar dan għad trid tittieħed. Id-deċiżjoni ta’ Motorsport UK ġiet wara li l-FIA ħalliet sewwieqa Russi jikkompetu fl-avvenimenti tagħha iżda projbit timijiet li ġejjin mir-Russja.
