F’Anfield, Liverpool kisbu rebħa missielta ta’ 2-1 fuq Norwich. Vantaġġ għal Liverpool fis-27 minuta b’TAKUMI MINAMINO jgħeleb lil Tim Krul minn azzjoni ta’ Divock Origi. Fid-39 minuta l-iskor sar 2 – 0 mill-ġdid permezz ta’ MINAMINO. Fit-tieni taqsima minkejja żvantaġġ doppju, reazzjoni minn Norwich li fis-76 minuta naqqsu l-iskor. Minn azzjoni ta’ Joshua Sargent kien LUKAS RUPP li għeleb lil Allison Becker.
Wara biss żewġ minuti b’sorpriża Luton fil-vantaġġ. Minn azzjoni ta’ Luke Berry kien REECE BURKE li għeleb lil Kepa Arrizabalaga. Vantaġġ li dam biss sas-27 minuta meta minn pass ta’ Timo Werner kien SAUL NIGUEZ li għeleb lis-sostitut Harry Isted. Dominju assolut minn Chelsea li iżda fl-40 minuta mill-ġdid sabu ruħhom minn taħt. Kien HARRY CORMICK li minn azzjoni ta’ Carlos Mendes għeleb lil Arrizabalaga 2 – 1. Fit-tieni taqsima reazzjoni minn Chelsea li fit-68 minuta kisbu l-gowl tad-draw permezz ta’ TIMO WERNER minn azzjoni ta’ Ruben Loftus Cheek. B’Chelsea fuq l-offensiva fit-78 minuta marru fil-vantaġġ. Minn pass ta’ Timo Werner kien ROMELU LUKAKU li għamel l-iskor 3 – 2 u għalaq il-partita.
Fil-31 minuta Southampton fetħu l-iskor. ROMAIN PERRAUD għeleb lil Alphonse Areola minn azzjoni ta’ Kyle Walker Peters. Skor li biħ intemmet l-ewwel taqsima. Fis-60 minuta West Ham kisbu l-gowl tad-draw. Minn pass ta’ Issa Diop, MICHALL ANTONIO għeleb lil Wilfredo Caballero għall 1- 1. Tmien minuti wara fl-ewwel reazzjoni Southampton mill-ġdid fil-vantaġġ minn penalty mgħoti u skorjat minn JAMES WARD PROWSE . Fil-ħames minuta ta’ ħin miżjud, Southampton saħansitra għamlu l-iskor 3 – 1 permezz ta’ ARMANDO BROJA.
FA CUP
Illum : Luton v Chelsea 2-3, Liverpool v Norwich 2-1, Southampton v West Ham 3-1 Għada: Everton v Boreham W. 9.15pm
