Haas waqqfu kull tip ta’ relazzjoni li għandhom mar-Russja hekk kif waqqfu l-kuntratt tas-sewwieq Nikita Mazepin u anke l-ftehim ta’ sponsorhip mal-kumpanija Uralkali.
Dan seħħ fid-dawl tal-invażjoni mir-Russja fl-Ukrajna, fejn fi stqarrija qalu li jinsabu xxukkjati bħal kumplament tad-dinja b’dak li qed iseħħ fl-Ukrajna. Mazepin saq għal staġun wieħed biss ma’ Haas fejn ma rnexxielux jikseb punti. Aktar kmieni din il-ġimgħa il-Formula 1 ħabbret li l-Grand Pirx tar-Russja mhux se jkun qed isir fl-istaġun li ġej u anke fil-futur hekk kif il-kuntratt ġie terminat.
