Barcelona mistennija jakkwistaw lil Andreas Christensen fi tmiem l-istaġun fi trasferiment b’xejn mingħand Chelsea. Il-kuntratt tad-difensur ta’ 25 sena jintemm fi tmiem l-istaġun fejn jidher li ma laħaqx ftehim mal-club minn Londra. Rapporti fl-Ingilterra jindikaw li Christensen għażel lil Barcelona minflok lil Bayern Munich, li offrewlu kuntratt aħjar minn dak tal-club minn Katalunja. Min-naħa l-oħra Bayern Munich qed ifittxu difensur biex jieħu post Niklas Sule li se jissieħeb lil Borussia Dortmund fi tmiem l-istaġun.
