Atleti Maltin il-bieraħ ħadu sehem fis- 27 Kampjonati Balkani Indoor f’Istanbul fit-Turkija. B’kollox ħadu sehem 21 pajjiż affiljat u tnejn mistiedna fosthom Malta. Daniel Saliba fis-60 metru hurdles fl-ewwel heat B tejjeb ir-record nazzjonali li fi 8.28 sekondi kien 0.22 sekondi aħjar minn dak li kien għamel sentejn ilu fil-Latvija. Fl-azzjoni wkoll Carla Scicluna li fl-ewwel heat tas-60 metru temmet fis-sitt post f’7.69 sekondi liema heat intrebħet minn Olivia Fotopoulou ta’ Cipru f’ 7.39 sekondi.
