Kif jindika l-iskor, Tottenham ftit tħabtu biex kisbu l-erbatax ir-rebħa tal-istaġun a spejjeż ta’ Everton sabiex fil-klassifika telgħu fis-seba’ post u laħqu lil West Ham b’45 punt. Telfa oħra għal Everton li tħallihom fil-periklu li jkunu relegati. Fl-14 il-minuta minn azzjoni ta’ Ryan Sessegnon, kien MICHAEL KEANE li għeleb lil sieħbu Jordan Pickford. Mill-vantaġġ b’auto-goal, Tottenham baqgħu fuq l-offensiva u fis-17 il-minuta rduppaw. Pass ta’ Dejan Kulusewski lejn HEUNG MIN SON li mill-ġdid għeleb lil Pickford. Ebda reazzjoni minn Everton l-aktar wara li fis-37 minuta HARRY KANE għamel l-iskor 3 – 0 minn azzjoni ta’ Matt Doherty. L-andament fit-tieni taqsima baqa’ l-istess. Fis-46 minuta minn azzjoni ta’ Kulusewski kien SERGIO REGUILLON li għamel l-iskor 4 – 0 . Fil-55 minuta minn pass ta’ Doherty kien HARRY KANE bit-tieni gowl personali li għamel l-iskor 5 – 0.
PREMIER LEAGUE
Illum: Tottenham v Everton 5-0
