Matthias Mizzi
GŻIRA UNITED…2
SIRENS…………..1
Gżira United: D. Zarkov, G. Bohrer, M. Cosic, L. Tabone, N. Muscat, Z. Scerri, T. Kolega, C. Gauci, J. Attard, M. Maia, J. De Assis
Sirens: J. Debono, M. Marcellino, B. Gavrilla (D. Albanese 84’), A. Borg, J. Walker (L. Marios 84’) , C. Zammit Lonardelli, C. Riascos, D. Jackson (A. Effiong 88’), V. Vieira, R. Cardoso
Skorjaw: V. Vieira 43’, T. Kolega 68’ , N. Muscat 80’
Imwissija: C. Gauci 42’, L.Tabone 44’, D. Jackson 58’, Z. Scerri 60’, J. Attard 62’, J. De Assis 77’
Imeċċija: A. Borg80’
Referee: Philip Farrugia
Assistenti Referees: Alan Camilleri & Shaun Calleja
BOV Plejer tal-logħba: J. Debono (SIR)
Gżira United dawru telfa f’rebħa meta fl-aħħar nofs siegħa skurjaw darbtejn b’gowls minn Toni kolega u Nikolai Muscat. Dan ir-riżultat kkundanna lil Sirens għar-relegation pool meta fl-istadium taċ-Ċentinarju Gudja United għelbu lil Mosta, b’rebħa li biha l-Gudjani laħqu t-tragward tas-salvazzjoni.
F’bidu kwiet miż-żewġ timijiet, l-ewwel li marru qrib kienu Sirens meta fit-22 minuta Carlo Zammit Lonardelli falla ċans tad-deheb mill-kaxxa ż-żgħira. Għaxar minuti wara kross preċiż ta’ Toni Kolega fuq Maxuell Maia kien ta’ periklu għad-difiża madankollu d-daqqa ta’ ras tal-Brażiljan spiċċat barra. Erba’ minuti wara Gżira reġgħu kienu perikolużi din id-darba minn free-kick minn mal-ġenb mogħti mill-captain Nikolai Muscat. Ftit qabel il-mistrieħ Sirens fetħu l-iskor meta free-kick fil-baxx ta’ Bogdan Gavrilla ħabat mal-Brażiljan Vitor Vieira u spiċċa fix-xibka.
Fis-57 minuta d-difiża ta’ Sirens kienet strumentali biex dawret il-periklu f’corner wara tentattiv perikoluż lejn il-lasti. Mas-siegħa logħob Gżira wieġbu b’azzjoni personali ta’ Vieira. Gżira komplew jirsistu biex fis-64 minuta Jefferson De Assis avvanza tajjeb u b’pass preċiż tefa’ lil Maxuel Maia f’pożizzjoni tajba ta’ gowl iżda dan sab lil Debono f’forma mill-aqwa bejn il-lasti. L-isforzi ta’ Gżira ma jkunux għalxejn tant li ftit wara Toni Kolega għamel l-iskor indaqs b’xutt fil-baxx mill-viċin. Fit-80 minuta Nikolai Muscat dawwar l-iskor favur Gżira meta b’gowl tal-istampi minn free-kick ħasad lill-goalkeeper Jonathan Debono. Dan ir-riżultat ma ssodisfax lil Sirens li kienu qed ifittxu rebħa għal post mal-ewwel sitta.
