Diplomatiċi fl-Unjoni Ewropea ftehmu li Roman Abramovich jitniżżel mal-lista ta’ biljunarji Russi ssanzjonati.
Din hi l-aħħar f’sensiela ta’ miżuri fil-konfront ta’ persuni prominenti Russi mill-bidu tal-aggressjoni tal-Kremlin ‘l hawn.
Dan ifisser ukoll li l-assi kollha tas-sid tal-klabb tal-footbal tal-Premiere Ingliż, Chelsea issa huma ffriżati.
Il-Gvern Ingliż kien diġà ssanzjona lil Abramovich il-ġimgħa li għaddiet minħabba r-relazzjoni mill-qrib li kellu fl-aħħar għaxar snin ma’ Vladimir Putin. Issa anke l-Ewropa qed tieħu l-passi meħtieġa fil-konfront tal-ħabib tal-President Russu.
