Bla dubju l-aktar riżultat sorpriża fid-29 ġurnata tal-Premier League. Riżultat li jista’ jkollu riperkussjoni fil-ġimgħat li ġejjin jekk wieħed iqis li bil-punti mitlufa, id-distakk bejn Manchester City u Liverpool niżel għal erba’ punti 70 għal 66 b’Liverpool iżda lgħabu partita inqas. Crystal Palace bil-punt mirbuħ telgħu fil-11 il-post u fl-istess waqt b’34 punt qabżu lil Leicester City u Brighton & Hove Albion. Minkejja li Manchester City iddettaw għal ħinijiet twal tant li sa tmiem l-ewwel taqsima kellhom 75 fil-mija pussess, Crystal Palace b’xi mod żammew l-iskor intatt b’ Vicente Guaita rari jkun impenjat serjament.L-istess andament baqa’ matul it-tieni taqsima bl-unuri tal-ġurnata jmorru għal Crystal Palace fid-draw ta’ 0 – 0.
PREMIER LEAGUE
Illum: Crystal Palace v Man City 0-0
