Għada fil-5:30pm fi Pjazza Tritoni se tiġi organizzata vġili favur il-paċi fid-dinja.
Din l-attività qed tiġi organizzata minn Matri Mater Omm.
Dawk li se jattendu qed jiġu mħeġġa jieħdu magħho xemgħat kif ukoll xi ħaġa fuq xiex joqgħodu bilqegħda.
Il-vġili qed issir bil-għan li tipprommwovi l-paċi fid-dinja. L-organizzaturi qalu li kull wieħed u waħda minnha huwa msejjaħ biex jagħmel il-parti tiegħu favur il-paċi. Hu għalhekk li l-istedina għal din l-attività hija għal persuni minn kulturi, status soċjali u reliġjonijiet differenti, sabiex jingħaqdu favur il-paċi u jisfidaw lil dawk li qed ifitxxu li joħolqu firda u gwerer bejn il-pajjiżi.
