Mireya Cassar kisret ir-rekord nazzjonali tagħha stess fil-Hammer Throw fejn tefgħet distanza ta’ 48.04 metri. Aktar kmieni fi Frar, Cassar waqfet rekord ġdid meta tegħet distanza ta’ 47.46 metri f’kompetizzjoni staġjonali fil-Ġermanja. Iż-żagħżugħa ta’ 18-il sena kienet qed tirrappreżenta lil Malta fil-finali ta’ taħt it-23 sena tal-European Throwing Cup li saret f’Leira, fil-Portugall. Matul l-aħħar ħames xhur Mireya Cassar kienet qed titħarreġ f’Mannheim fil-Ġermanja mal-coach ta’ fama mondjali Khalid Wajih.
