Internazzjonali

IL-Gwerra tal-Ukrajna: ‘Tħallux lil Putin jibni ħajt ieħor fl-Ewropa’

  • Il-President tal-Ukrajna, Volodymyr Zelensky, irringrazzja lill-Ġermanja għall-għajnuna li tat lil pajjiżu waqt diskors bil-videolink lill-Bundestag ( Parlament) ta’ Berlin.
  • Intant, Zelensky qal lid-deputati Ġermaniżi li l-appoġġ tagħhom ‘wasal tard wisq’ biex jevita gwerra fl-Ukrajna li qed thedded il-futur tal-Ewropa.
  • Zelensky, fl-istess ħin, ħeġġeġ biex il-Ġermanja u l-Ewropa ma jippermettux ‘il-ħajt il-ġdid li jrid jibni Vladimir Putin (fil-kontinent) bl-iskop li jissepara l-libertà mill-iskjavtu’.
  • Il-Kremlin ta’ Moska qal, sadanittant, li r-rappreżentanti Russi li qed jissieħbu fit-taħditiet għall-paċi qegħdin jistinkaw ‘b’enerġija akbar’ biex id-djalogu jwassal għal ftehim mal-Ukrajna – u meta l-gwerra issa daħlet fit-22 jum.