Hekk kif waslet fil-qofol tagħha l-kampanja elettorali tal-Partit Nazzjonalista bit-tema ‘Miegħek. Għal Malta’… għada fid-Dar Ċentrali tal-Partit Nazzjonalista se ssir maratona oħra ġbir ta’ fondi… it-tieni waħda għal din il-kampanja elettorali. Maratona intiża sabiex ikompli jitwassal il-messaġġ pożittiv… filwaqt li l-proposti tal-Partit Nazzjonalista jkomplu jaslu għand kulħadd.
Bla dubju waqt din il-maratona ma tonqosx il-preżenza tal-Kap tal-Partit Nazzjonalista Bernard Grech flimkien ma’ martu AnneMarie.
Il-maratona tibda f’nofsinhar u tibqa’ għaddejja sal-ħdax ta’ filgħaxija… b’xandira live kemm fuq Net TV, Net FM u fuq Facebook Live fejn wieħed jista jsegwi numru ta’ intervisti minn għadd ta’ kelliema u kandidati tal-Partit Nazzjonalista.
