Fi tmiem il-quddiesa tal-festa ta’ San Ġużepp, il-Kap tal-Partit Nazzjonalista Bernard Grech kellu l-okkażjoni jiltaqa’ mar-Rabtin u diversi nies oħra li lkoll inġabru quddiem il-Knisja mat-tmiem tal-funzjoni.
Bernard Grech akkumpanjat minn martu AnneMarie kif ukoll minn diversi kandidati tal-Partit Nazzjonalista, għamel żjara lill-Każin tal-Għaqda Mużikali L’Isle Adam fejn hemmekk iltaqa’ ma’ numru ta’ familji li nġabru hemm f’dan il-jum ta’ festa.
Wara, huwa żar ukoll il-Każin tal-Partit Nazzjonalista tar-Rabat fejn hawn ukoll kellu l-okkażjoni jiltaqa’ ma’ dawk li kienu qed iqattgħu l-festa bi ftit ħin ta’mistrieħ mal-familji u l-ħbieb tagħhom.
Dawk kollha li ltaqgħu mal-Kap tal-PN irringrazzjawh tal-impenn kbir u l-pożittività li qed titntwera minn Bernard Grech… anke fl-aħħar jiem tal-kampanja elettorali.
