F’Belgrad , fil-Kampjonati tad-Dinja tal-Atletika ‘indoor’ l-attenzjoni fuq il-finali tas-60 metru. Suċċess għal Marcell Jacobs tal-Italja rebbieħ tal-100 metru u tar-relay 4 X 100 metru fl-aħħar Olimpijadi f’Tokyo. Jacobs għamel id-distanza f’ħin rekord Ewropew ta’ 6.41 sekondi. Rekord li kien ilu ma jinkiser mill-2009 wara li f’Turin il-Britanniku Dwain Chambers kien għamel is-60 metru f’6.42 sekondi. Fit-tieni post Christian Coleman tal-Istati Uniti rebbieħ tal-100 metru fl-aħħar Kampjonati tad-Dinja wkoll f’6.41 sekondi qabel Marvin Bracy tal-Istati Uniti b’6.44 sekondi.
