Riżultat sorpriza u umiljazzjoni ta’ Real Madrid li f’darhom sfaw megħluba minn Barcelona minkejja li l-istess riżultat ma għandu ebda effett fil-klassifika bid-distakk bejn Real Madrid fl-ewwel post b’66 punt u Barcelona fit-tielet post ma’ Atletico Madrid ikun dak ta’ 12 il-punt. Fid-29 minuta Barcelona fetħu l-iskor. Minn azzjoni ta’ Ousmane Dembele kien PIERRE EMERICH AUBAMEYANG li għeleb lil Thibaut Courtois. Redal Madrid naqsu milli jwettqu reazzjoni.
Barcelona approfittaw tant li fit-38 minuta rduppjaw. Mill-ġdid azzjoni ta’ Dembele b’RONALD ARAUJO jgħeleb lil Courtois għat 2- 0 . Riżultat li biħ intemmet l-ewwel taqsima. L-andament matul it-tieni taqsima baqa’ l-istess.Fis-47 minuta minn pass ta’ Aubameyang kien FERRAN TORRES li għeleb lil Courtois 3 – 0 . Erba’ minuti wara l-iskor sar 4 – 0 din id-darba bit-tieni gowl personali ta’ AUBAMEYANG minn azzjoni ta’ Ferran Torres.
