B’żewġ gowls f’kull taqsima, Crystal Palace ftit tħabtu biex għelbu lil Everton b’mod li għaddew għas-semi finali tal-FA Cup. Fil-25 minuta MARC GUEHI għeleb lil Jordan Pickford minn azzjonbi ta’ Michael Olise. Fil-41 minuta minn azzjoni ta’ Wilfried Zaha kien JEAN PHILIPPE MATETA li għeleb lil Pickford għat 2 – 0 . Fit-tieni taqsima l-andament baqa’ l-istess fejn fid-79 minuta WILFRIED ZAHA għamel l-iskor 3 – 0 sabiex fis-87 minuta kien WILL HUGHES li mill-ġdid għeleb lil Pickford għall-iskor finali ta’ 4 – 0 .
Ebda problema għal Manchester City biex ikkwalifikaw għas-semi finali fejn wara biss 12 il-minuta fetħu l-iskor. Minn azzjoni ta’ Gabriel Jesus, RAHEEM STERLING għeleb lil Fraser Forster sabiex b’Southampton iwettqu reazzjoni fit-tieni minuta ta’ ħin miżjud għamlu l-iskor 1 – 1 b’auto-gowl ta’ AYMERIC LAPORTE li għeleb lil Zack Steffen. Dominju minn Manchester City fit-tieni taqsima l-aktar wara li fil-61 minuta penalty mgħoti u skorjat minn KEVIN DE BRUYNE għamel l-iskor 2 – 1 . Fil-75 minuta kien imiss lil PHIL FODEN li jgħeleb lil Fraser Forster għat-3 – 1 filwaqt li tlett minuti wara l-iskor sar 4 – 1 b’gowl ta’ RIYAD MAHREZ minn azzjoni ta’ Ilkay Gundogan.
Kien biss fl-aħħar fażi tal-partita li Liverpool skorjaw il-gowl deċiżiv li biħ għaddew għas-semi finali. Fit-78 minuta minn azzjoni ta’ Konstantinos Tsimikas kien DIOGO JOTA li għeleb lil Ethan Horvath għal dak li kellu jkun il-gowl deċiżiv.
FA CUP
Illum: C’Palace v Everton 4-0, Southampton v Man City 1-4, Nott.Forest v Liverpool 0-1
