L-attakkant internazzjonali Maltija Haley Bugeja ikklassifikat fit-tielet post tal-klassifika tas-sit internazzjonali sportiv ‘GOAL’, għall-aqwa tfajliet żgħażagħ madwar id-dinja.
Bugeja kienet magħżula fost l-aqwa għaxar żgħażagħ fl-istess klassifika fl-2021 fejn kienet l-aqwa skorer ta’ US Sassuolo fl-ewwel staġun tagħha fl-Italja.
Fl-ewwel post ikklasifikat il-midfielder mill-Haiti Melchie Dumornay ta’ AS Tigresses bħala l-aqwa żagħżugħa, bl-Awstraljana ta’ Montepellier Mary Fowler tikklassifika fit-tieni post.
F’messaġġ fuq il-profil ta’ Facebook, Bugeja qalet li għalkemm kienet sena diffiċli għaliha, hi xorta waħda tibqa’ pożittiva, filwaqt li rringrazzjat lil min għinha biex tilħaq dan it-tragward.
