Iċ-ċiklist Sonny Colbrelli jinsab f’kundizzjoni stabbli wara kkolassa waqt il-‘Volta’ f’Catalunya. Mill-ewwel testijiet jidher li Colbrelli sofra attakk tal-qalb, bit-tim mediku jgħid li jinsab f’kundizzjoni stabbli. Colbrelli ttieħed fl-isptar ta’ Girona fejn jinsab rikoverat sakemm isirulu aktar testijiet fil-jiem li ġejjin.
Colbrelli kien fit-tieni post wara Michael Matthews fl-ewwel stadju f’Sant Feliu de Guixols. Hu tilef l-aħħar stadju f’Tirreno-Adriatico kif ukoll l-istadju f’Milan San-Remo ta’ nhar is-Sibt.
