Il-Kummissjoni Elettorali ħabbret li sas-2pm ivvutaw total ta’ 584 persuna minn 1,252, jiġifieri 46.65% ta’ dawk irreġistrati.
Illum setgħu jivvutaw dawk li jinsabu fl-isptarijiet, jiġifieri f’Mater Dei, fis-Sir Anthony Mamo Oncology Centre, f’Karin Grech, Mount Carmel u fl-Isptar Ġenerali t’Għawdex kif ukoll fir-residenza Downtown.
Il-votazzjoni tas-Sibt tiftaħ fis-7am u tibqa’ għaddejja bla waqfien sal-10pm. Dawn il-ħinijiet japplikaw għall-postijiet tal-votazzjoni kollha fit-tlettax il-Distrett li jiffurmaw iz-zoni kollha ta’ Malta u Għawdex.
