F’konferenza tal-aħbarijiet li saret fil-Belt Valletta, il-Kap tal-PN Bernard Grech qal li matul din il-kampanja elettorali wassal viżjoni ċara hekk kif wara tliet ijiem mill-bidu tal-kampanja elettorali, il-PN ippreżenta l-programm elettorali tiegħu… viżjoni. bi proposta serja ta’ bidla fil-mentalità, b’appell sinċier għal bidla fir-rotta li qabad pajjiżna fl-aħħar snin, u b’ideat mimlijin ambizzjoni u aspirazzjoni ghal kul ċittadin ta’ Għawdex u Malta.
Bernard Grech qal li din il-viżjoni trid tkun attwata f’kull settur.
Fl-Ambjent
- ODZ ġdid 2/3 tal-parlament
- nagħtu lura 50,000 metru kwadru ta’ art fl-ODZ.
- Sa €6,000 kull sena biex int tinvesti f’darek, b’mod ekonomiku għall-ambjent.
Fit-Trasport
- Trackless tram li ssir f’ħames snin b’nofs l-ispiża ta’ dak li bassar ir-rapport tal-konsulenti tal-Gvern dwar il-metro.
- Għotjiet lin-nies biex jitħajru jieqfu jużaw il-karozza..
- Tariffi anqas ghal dawk li jsuqu l-inqas, u dawk b’karozza eletrikku ma jhallsu xejn.
Aħna rridu bidla fil-mentalita’.
Fejn tidħol Ekonomija
- Il-viżjoni trasformattiva li qed jippreżenta l-Partit Nazzjonalista fil-programm elettorali tiegħu se twassal biex il-pajjiż idaħħal €42.6 biljun addizzjonali fuq medda ta’ tmien snin, dan filwaqt li se jinħolqu 32,500 postijiet tax-xogħol ta’ kwalitá b’paga medja ta’ €43,000 fis-sena.
- Dan minbarra eluf ta’ impjiegi oħra f’oqsma oħra tal-ekonomija.
- L-infiq tal-Gvern se jiġi rkuprat kollu kemm hu mit-tkabbir ekonomiku li se jiġġenera aktar dħul lill-gvern.
- Dan it-tkabbir se jsir prinċiparjament permezz ta’ investiment ta’ Biljun Ewro għal għaxar setturi ekonomiċi ġodda: Il-Metaverse, il-compliance, 3D printing, AI, robotika, esports, sports, video gaming, energy optimisation u l-intraprizi socjali.
Fis-settur tas-Saħħa
- Bini ta’ sptar mentali ġdid; nieħdu lura f’idejna l-isptarijiet mingħand Steward wara li dawn ammettew huma stess li f’dan kollu hemm deal korrott.
- Tabib b’xejn f’darek.
- IVF tassew b’xejn.
Fejn tidħol l-Edukazzjoni
- Se jkun hemm titjib fil-kundizzjonijiet tal-edukaturi u l-għalliema, niftħu skola sekondarja speċjalizzata kull sena. U ntejjbu l-ambjent fl-iskejjel kollha.
- €300 lil genituri ghal attivitajiet extracurriculari tat-tfal taghhom
- U l-mizati kollha ta l-iskejjel u l-extracurriculari jiehduhom lura f’tax credits.
Għall-Għoli tal-Ħajja
- Noħolqu Fond Nazzjonali b’baġit annwali inizjali ta’ €40 miljun biex nappoġġaw lill-industrija li timporta u/jew tesporta biex nagħmlu tajjeb għall-impatt tal-iżvantaġġi strutturali tal-loġistika u d-defiċit kompetittiv li din qed iġġarrab minħabba l-insularità ta’ pajjiżna bħala gżira.
- Naghtuk lura s-serq li seraqlek mill-kontijiet tad-dawl u l-ilma.
- Nghatuk lura ukoll s-serq tal-income tax.
- Midget ta euro kull familj – over and above t-tax credits ghal kulhadd.
Għawdex
- Bini ta’ sptar ġenerali ġdid,
- campus ġdid tal-MCAST f’Għawdex.
- Iktar ghajnuna ghaz-zaghzagh u l-haddiema.
Żgħażagħ
- €500 biex jagħmlu esperjenza kulturali jew sportiva barra minn Malta,
- żieda ta kwart fl-istipendji u fil-maintenance grants.
- Iz-zaghzagh li jahdmu ma jhallsux bolla
Pensjonanti
- Il-pensjoni titla daqs il-paga minima.
- Ebda taxxa fuq il-pensjoni
- Tista’ tibqa’ taħdem part-time jew full-time u tibqa’ tieħu l-pensjoni sħiħa
- Mekkaniżmu għal min twieled qabel Diċembru tal-1961 biex jitla’ sostanzjalment fil-pensjoni
- tabib b’xejn lill-anzjani
- ġustizzja mal-pensjonanti bi snin ta’ ħidma addizzjonali
- ġustizzja mal-pensjonanti tat-teżor, miżura għall-ħlas tal-bolol neqsin,
- pensjoni sħiħa lir-romol mill-ewwel budget,
- sistema ta’ pensjoni ġusta f’każ ta’ divorzju, appoġġ lil min l-aktar għandu bżonn,
- appoġġ lil min ma jikkwalifikax għal pensjoni kontributorja,
- bonus tal-għoli tal-ħajja u pensjonijiet eżenti mit-taxxa.
Governanza
- Pakkett leġislattiv li jimplimenta r-rakkomandazzjonijiet tal-imħallfin li għamlu l-inkjesta pubblika dwar il-qtil ta’ Daphne Caruana Galizia.
- Riforma elettorali li tinkludi wkoll liġi dwar il-finanzjament tal-partiti.
- Commitment car għal partiti ż-zgħar li jieħdu rapreżentanza fil-parlament għal 5% voti
Il-Kap tal-Partit Nazzjonalista saħaq li pajjiżna jinsab f’salib it-toroq… jew ikompli miexi f’din it-triq ta’ biża’ u abbuż ta’ poter mil-gvern Laburista, fejn persuna tibża’ twieġeb survey, fejn persuna jibża’ jippostja fuq il-media soċjali u jwassal il-ħsibijiet tiegħu, għax kulħadd jibża’ minn oppressjoni minn Kastilja – jew nibdew triq gdida.
Pajjiżna jrid jagħżel jridx imur fi stat iktar opprezziv u gvern arroganti fejn Robert Abela jitkellem b’mod miftuħ li jrid maġġoranza ikbar milli għandu biex ikollu iktar saħħa, meta diġa għandu pajjiż maħtuf f’idejh, bil-kontrolli li rrendejthom nulli.
Huwa qal li nhar is-Sibt li ġej, pajjiżna jista’ jagħżel triq oħra..dik li apparti l-ġid materjali jkollu wkoll libertajiet tabilħaqq bażiċi. Biex dan iseħħ irid ikun hemm vot b’saħħtu lill-Partit Nazzjonalista.
Bernard Grech iwiegħed gvern awtentiku, gvern sensittiv, gvern li jagħti kas, gvern li jisma’.. gvern li dak iwiegħed iwettqu.
L-2022 tista’ tkun il-bidu ta’ kapitlu ieħor sabiħ ta’ pajjiżna. Irridu nibnu fuq dak li sar tajjeb fl-aħħar snin..u rridu nsewwu mill-iktar fis dak li wassalna biex isem pajjiżna spiċċa fil-lista l-griża. U dak jista’ jagħmlu biss il-Partit Nazzjonalista. Il-vot ta’ nhar is-sibt li ġej huwa vot għalina..għal uliedna u għal pajjiżna.
