Is-sewwieq ta’ Aston Martin Sebastian Vettel se jkun qed jitlef il-Grand Prix tal-Arabja Sawdija wara li ma rnexxielux jirkupra fil-ħin mill-Covid-19. Vettel tilef ukoll l-ewwel Grand Prix tal-istaġun fil-Bahrain. Għal darb’oħra post Vettel se jieħdu Nico Hulkenberg. Aston Martin qalu li qed jistennew li Vettel ikun f’kundizzjoni tajba li jikkompeti għat-tielet Grand Prix fl-Awstralja f’April. Hulkenberg temm fis-17-il post fl-aħħar Grand Prix fil-Bahrain.
