Matul il-jum tal-votazzjoni, il-Kap tal-Partit Nazzjonalista Bernard Grech żar diversi lokalitajiet madwar Malta u Għawdex fejn iltaqa’ mal-attivisti u l-voluntieri li kienu qrib il-postijiet tal-votazzjoni u anke fl-Uffiċċji tal-Partit Nazzjonalista.
Sa minn kmieni filgħodu Bernard Grech akkumpanjat minn martu AnneMarie u mis-Segretarju Ġenerali Michael Piccinino kif ukoll min-numru ta’ kandidati tal-Partit Nazzjonalista… beda biż-żjarat tiegħu f’irħula varji, fejn żar Ħ’Attard u kompla jżur aktar postijiet f’distretti kollha; sakemm għall-ħabta tal-10am mar jivvota fil-lokalità tal-Mosta.
Wara, Bernard Grech kompla jżur aktar lokalitajiet u waranofsinhar mar ukoll Għawdex fejn iltaqa’ mal-attivisti u partitarji Għawdxin kif ukoll ma’ nies oħrajn…. fejn ingħata merħba sabiħa.
Aktar tard waranofsinhar il-Kap tal-Partit Nazzjonalista kompla biż-żjarat tiegħu fl-Uffiċċji tal-PN u anke qrib il-postijiet tal-votazzjoni f’Malta fejn ukoll irringrazzja lill-attivisti u l-voluntieri għall-ħidma tagħhom.
