Fil-ħin li ġej, jibda l-proċess tal-iscanning tal-voti fiċ-Ċentru tan-Naxxar fejn illum inkunu nafu r-riżultat tal-elezzjoni ġenerali.
Net TV u Net FM qed ixandru programm speċjali li beda fit-8:30am. Ix-xandira hi preżentata minn Lisa Spiteri u Dione Borg, b’kollegamenti LIVE min-Naxxar.
Wara l-proċess tal-votazzjoni tas-Sibt li intemm fl-10pm bdiet issir rikonċiljazzjoni, qabel il-kaxxi twasslu fiċ-ċentru tal-għadd tal-voti.
Il-Ħadd, kull vot se jibda jinqaleb wiċċu ‘l isfel, qabel ma jibda l-proċess diġitali tal-iscanning. Kif jitlesta l-iscanning, is-sitema tikkalkula r-riżultati tal-partiti u tal-kandidati.
Minn hawn, il-pubbliku jrid jistenna numru ta’ sigħat qabel il-konferma u l-pubblikazzjoni tar-riżultati, li sa dak il-ħin ħadd mhu se jkun rahom. Dan minkejja li jista’ jagħti l-każ li jkun hemm indikazzjonijiet ta’ liema partit ikun rebaħ l-elezzjoni.
