Il-Kremlin ta’ Moska għadu kemm wera filmat tal-Ministru tad-Difiża Russu, Sergei Shoigu, fejn jingħad li ‘qed jindirizza laqgħa għall-Ġenerali ewlenin ta’ Moska’.
Il-filmat ixxandar wara ġimgħatejn ta’ spekulazzjoni intensiva dwar ‘x’għadda minn Shoigu’ wara li hu ma kompliex jidher fuq il-mezzi tax-xandir.
Intant, Sergei Shoigu deher fil-filmat waqt li kien qed jaqra minn diskors ippreparat u fost l-ispekulazzjoni li hu kien ‘kisirha mal-President Vladimir Putin’ jew li qed ibati minn problemi tas-saħħa. Ma kien hemm xejn li seta jindika d-data tal-filmat inkwistjoni.
