Il-coach ta’ Bologna Sinisa Mihajlovic ħabbar li l-aħħar riżultati indikaw li rritorna l-kanċer wara sentejn. Mihajlovic qal li se jkollu jidħol l-isptar biex jirċievi t-trattament għal din il-marda. Sentejn ilu Mihajlovic irriżulta li qed ibati mill-marda tal-leukemia li wasslitu biex kellu jibdel il-mudullun. Fortunatament, il-coach is-Serb qal li din id-darba il-marda m’hijiex ħarxa daqs l-ewwel darba. Mihajlovic spjega kif din il-ġimgħa se jkollu jerġa’ jibda l-proċess f’idejn l-istess speċjalista li segwitu matul din il-marda. Hu qal li se jkun qed jitlef il-kumplament tal-partiti fit-tmexxija tal-club.
