Trailer bil-partitarji tal-Labour li kienu qegħdin jiċċelebraw fi Triq Aldo Moro spiċċa baqa’ dieħel f’żewġ karozzi. Issit elettroniku LovinMalta ppubblika filmat tal-ħabta.
F’waħda minnhom kien hemm mara tqila li kellha tittieħed l-Isptar Mater Dei għall-kura. Il-kundizzjoni tagħha għadha mhux magħrufa.
L-inċident seħħ għall-ħabta tas-2.00pm, b’uffiċjali tal-Pulizija jaslu fil-post flimkien ma’ tim mediku li ħa lill-mara l-isptar.
Mhux magħruf jekk kienx hemm persuni oħra li weġġgħu f’dan l-inċident u lanqas x’wassal bies is-sewwieq tat-trakk tilef il-kontroll u baqa’ dieħel fiż-żewġ vetturi waqt carcade tar-rebħa.
