Il-ġlieda ta’ ritorn bejn Anthony Joshua u Oleksander Usyk se ssir fl-Arabja Sawdija f’Ġunju, fi ġlieda li se tħalli aktar minn €110 miljun għaż-żewġ ġellieda. Joshua tilef it-titli tal-heavyweight kontra Usyk fil-ġlieda tagħhom f’Londra, f’Settembru tas-sena l-oħra. Id-deċiżjoni ġiet wara l-kontroversja ta’ tmiem il-ġimgħa fejn missiela laqtgħet maħżen taż-żejt viċin iċ-ċirkwit ta’ Jeddah. Usyk kien fost dawk li mar jiġġieled fil-gwerra f’pajjiżu fl-Ukrajna, iżda rritorna biex jipprepara għall-ġlieda kontra l-Brittaniku.
