Id-difensur ta’ Juventus Giorgio Chiellini mistenni jirtira mit-tim nazzjonali Taljan wara l-partita kontra l-Arġentina f’Ġunju. Rapporti fil-gazzetti Taljani qed jindikaw li Chiellini se jkun qed itemm ukoll l-esperjenza tiegħu ma’ Juventus, fejn mistenni jkompli l-karriera tiegħu għal sena fl-MLS. Chiellini beda l-esperjenza tiegħu mat-tim nazzjonali Taljan fl-2004 iżda ħa prominenza fit-tim nazzjonali fl-2008. L-akbar suċċess li kiseb mat-tim Taljan kien fir-rebħa tal-Euro 2020, kif ukoll wasal sal-finali tal-Euro 2012.
