Nhar is-Sibt 2 ta’April 2022, l-Gozo Channel ser tkun qed tissospendi s-servizz tagħha bejn l-4pm u s-7pm mill-Imgarr, Ghawdex u bejn l-3:45pm hrs u s-7pm hrs miċ-Ċirkewwa, Malta. Dan minħabba l-vjaġġ tal-Papa Franġisku, biex ikun hemm sigurtà waqt li l-Papa jkun qed jivjaġġa lejn Għawdex.
Fil-ġurnata msemmija, l-vjaġġi tal-4:30pm, 4:40pm, 5:00pm, 5:30pm, 6:00pm, 6:15pm u 6:30 mill-Mġarr ghaċ-Ċirkewwa u l-vjaġġi tal- 4:15pm , 4:45pm , 5:15pm , 5:30pm , 5:45pm , 6:15pm u 6:45pm miċ-Ċirkewwa mhumiex ser isiru. Dan ifisser li l-aħħar vjaġġ mill-Imġarr ikun fl-4pm, filwaqt li l-aħħar vjaġġ miċ-Ċirkewwa huwa skedat għal-3:45pm. Is-servizz jerga jibda ghas-7:00pm kemm mill-Imġarr kif ukoll miċ-Ċirkewwa
Il-kumpanija avżat ukoll li l-vjaġġi tas-1:40pm u t-3:10pm mill-Imġarr u s-2:30pm u l-4:00pm miċ-Ċirkewwa mhux ser jiġu operati.
