Ishmael Barbara u Roberto Vella ikkontrollaw żewġ partiti mir-round ta’ kwalifikazzjoni Grupp B3 tal-UEFA European Championships ta’ taħt is-17-il sena. L-ewwel partita intlagħbet nhar l-Erbgħa 23 ta’ Marzu bejn l-Iskozja u r-Repubblika Ċeka bit-tieni partita tintlagħab is-Sibt 26 ta’ Marzu bejn ir-Repubblika Ċeka u l-Ġorġja. Iż-żewġ partiti intlagħbu fil-Falkirk Stadium fl-Iskozja.
