L-Istati Uniti u l-Messiku aċċertaw posthom fit-Tazza tad-Dinja tal-Qatar wara li kisbu r-riżultati meħtieġa fl-aħħar partiti. L-Istati Uniti kienu megħluba mill-Costa Rica, li madanakollu kellhom jegħlbuhom b’aktar minn erba’ gowls biex jieħdulhom posthom fil-Qatar. Fil-partita l-oħra il-Messiku kisbu rebħa mportanti ta’ 2-0 fuq El Salvador biex ukoll għamluha għat-tournament finali. L-attakkanta ta’ Wolves Raul Jimenez u Uriel Antuna skorjaw il-gowls deċiżivi għal Messiku. B’dawn ir-riżultati Costa Rica issa jilagħbu playoff kontra New Zealand f’Ġunju, biex ikun determinat min minnhom se jkun qed jikseb post fil-Qatar f’Novembru li ġej.
KWALIFIKAZZJONI GĦAT-TAZZA TAD-DINJA – CONCACAF
Illum: Costa Rica v Istati Uniti 2-0, Jamaica v Honduras 2-1, Messiku v El Salvador 2-0, Panama v Kanada 1-0
