L-attur Franċiż rinomat, Gerard Depardieu, hu l-aħħar personalità ċelebri li kkundanna l-invażjoni tal-Ukrajna mill-qawwiet tar-Russja….Dan minkejja li l-istess Depardieu, fl-2013, kien ħa ċittadinanza Russa wara li telaq minn Franza għal raġunijiet relatati mat-taxxa,
Depardieu kien irċieva l-passaport personalment mingħand il-President Russu Vladimir Putin iżda llum, hu mhux qed iħalli dubju dwar kif jaħsibha dwar il-konflitt fl-Ukrajna…Fil-fatt, l-attur, fl-aħħar sigħat, akkuża lill-President tar-Russja ‘dwar aġir bla sens u eċċessiv’ fl-artijiet tal-Ukreni.,
Dawn il-kummenti, sadanittant, qanqlu reazzjoni minn Moska, fejn Dmitry Peskov, il-kelliem ewlieni għal Putin u l-Kremlin, qal li Gerard Depardieu ‘x’aktarx li mhux qed jifhem għal kollox is-sitwazzjoni fl-Ukrajna’ ….Peskov, fl-istess ħin, offra li ‘jispjega ċ-ċirkustanzi ta’ din il-kampanja militari ( lil Depardieu) fil-ħin li jagħżel hu.’
