Matthias Mizzi
SIRENS…………0
VALLETTA…….3
Sirens: J. Debono, H. Marcellino, C. Borg (A. Effiong 68’), B. Gavrila (M. Lomis 78’), D. Albanese (J. Walker 53’), C. Zammit Lonardelli, A. Cini, C. Riascos, D. Jackson, V. Vieira, R. Cardoso
Valletta: A. Guarnone, T. Caruana, M. Sansone, C. Gauci, E. Pena Beltre, E. Promise, I. Curjuric (S. Dimech 84’), R. Muscat, E. Sala, C. Prado (74’ K. Tulimieri), M. Fontanella.
Skorjaw: Caio Prado 50’ , Mario Fontanella 59’ , Triston Caruana 90’
Referee: Triston Farrugia Cann
Assistenti Referees: Duncan Sultana & Paul Apap
BOV Plejer tal-logħba: Caio Prado
Wara waqfa ta’ ftit ġimgħat minħabba l-impenji tat-tim nazzjonali, Valletta rritornaw għar-rebħ permezz ta’ żewġ gowls fit-tieni taqsima.
F’bidu kwiet miż-żewġ naħat l-ewwel tentattiv lejn il-lasti wasal minn Sirens permezz ta’ xutt ċentrali ta’ Degran Jackson, bil-goalkeeper Taljan Alessandro Guarnone salva mingħajr diffikultà. Man-nofsiegħa logħob, Sirens setgħu faċilment dabbruha meta kross fil-baxx ta’ Mario Fontanella kien ta’ periklu għal Debono bejn il-lasti wara li d-difensur clearja ħażin. Ftit qabel tmiem l-ewwel taqsima daqqa’ ta’ ras taż-żgħażugħ Christian Gauci għaddiet ferm viċin il-lasti ta’ Sirens.
Fit-tieni taqsima, proprju fil-50 minuta Emmanuel Promise venven xutt b’saħħtu, b’Jonathan Debono laqa’ parzjalment iżda minn taħt il-lasta l-Brażiljan Caio Prado ma falliex. Sitt minuti wara l-istess Prado reġa’ kien perikoluż b’xutt angolat, b’Debono din id-darba dawwar il-konklużjoni f’corner b’save mill-aqwa. Mill-istess corner, id-daqqa ta’ rass tal-Albaniż Eslit Salla għaddiet tħakkek mal-mimduda. Wara dan is-save stupend, ftit minuti biss wara Debono kkastiga lit-tim tiegħu b’ħarġa ħażina, bil-ballun spiċċa għand Mario Fontanella li f’lasta vojta ma żbaljax. Kwarta wara t-tim tal-kapitali kien sfortunat li ma għalaqx il-partita bit-tielet gowl meta l-konklużjoni tas-sostitut Kevin Tulimieri għaddiet ferm viċin. Fid-disgħin minuta Triston Caruana għalaq il-partita b’gowl tal-istampi minn barra ‘l kaxxa. B’dawn it-tliet punti Valletta issa jitbiegħdu aktar miż-żona l-ħamra madankollu baqa’ erba’ konfronti diretti x’jintlagħbu.
