Celtic fetħu vantaġġ ta’ sitt punti fuq Rangers meta fl-Ibrox Stadium għelbuhom bl-iskor ta’ 2-1. B’hekk Celtic żammew posthom fl-ewwel post hekk kif fadal sitt partiti għal tmiem l-istaġun. Kienu Rangers li fetħu l-iskor fit-3 minuta meta minn cross fil-baxx ta’ Ryan Kent, kien Aaron Ramsey li għeleb lil Joe Hart għal 1-0.
Reazzjoni immedjata minn Celtic meta x-xutt ta’ Reo Hatate kien salvat tajjeb mill-goalkeeper, b’Tom Rogic jitfa’ fix-xibka mill-viċin għal 1-1. Fit-43 minuta Celtic skorjaw il-gowl tar-rebħa hekk kif wara indeċiżjoni fil-kaxxa kien Cameron Carter-Vickers li xeħet wara McGregor għal 2-1.
