Matthias Mizzi
FLORIANA…………0
GŻIRA UNITED…….1
Floriana: G. Kitanov, A. Magri Overend, O. El Hasni, Z. Cassar, R. Hovsepyan (B. Paiber 63’), K.Keqi (K. Reid 46’) , J. Arias, A. Ciolacu, E. Callegari, J. Busuttil (M. Veselji 80’), R. Camenzuli
Gżira United: D. Zarkov, G. Bohrer, M. Cosic, L. Tabone, N. Muscat, S. Pisani, T. Kolega, Y. Messias, A. Pavic, N. Portelli. J. Attard
Skorjaw: T. Kolega 15’
Imwissija: K. Reid 60’, A. Magri Overend 67’ , G. Kitanov 90+2’
Referee: Philip Farrugia
Assistenti Referees: Roberto Vella & Shaun Calleja
BOV Plejer tal-logħba: Darijan Zarkov(GŻR)
Kontra dak mistenni Gżira United ħasdu lil Floriana b’rebħa minima ta’ 1-0, bil-gowl ta’ Toni Kolega jasal kmieni fil-partita. L-ewwel tentattiv lejn il-lasti wasal mat-tmien minuta logħob permezz ta’ xutt minn barra l-kaxxa ta’ Ryan Camenzuli. Mal-kwarta logħob Gżira United fetħu l-iskor meta kross preċiż ta’ Nevin Portelli waqa’ fuq Toni Kolega u dan b’daqqa ta’ ras ħasad għalkollox lit-tim oppost. Fid-19-il minuta wiċċ imb’ wiċċ mal-gowlkeeper Kroat Darijan Zarkov, l-attakkant Furjaniż Andrei Ciolacu falla opportunità tad-deheb li seta’ għamel l-iskor indaqs. Ftit minuti qabel tmiem l-ewwel taqsima Floriana reġgħu tilfu ċans ieħor tad-deheb. Din id-darba kien il-captain Kristian Keqi li wara pass preċiż ta’ Ciolacu tefa’ l-konklużjoni tiegħu barra. Il-Furjaniżi komplew jirsistu biex minuta biss wara l-konklużjoni ta’ Ciolacu għaddiet ferm viċin.
Fit-tieni taqsima Floriana komplew fuq dak li ħallew fit-taqsima preċedenti biex fil-51 minuta s-sostitut Keimar Reid ra l-konklużjoni tiegħu mill-viċin mdawra b’diffikultà f’corner mid-difensur ta’ Gżira. Bi Gżira aktar mitfugħin fuq wara fid-59 minuta free-kick tal-Brażiljan Yuri Messias ħoloq periklu għal Kitanov minkejja li l-konklużjoni kienet waħda ċentrali.Bil-logħob jibqa’ ma jiffavorixxix lil Floirana minuta wara xutt fil-baxx ta’ Camenzuli stampa mal-wieqfa b’Reid ma approfittax mir-rebound. Fl-aħħar mumenti tal-partita l-Furjaniżi għamlu minn kollox biex jakkwistaw xi ħaġa minn dan il-konfront iżda d-difiża ta’ Gżira baqgħet kompatta f’kull ħin.
