Ryan Pisani huwa r-rebbieħ tar-raba’ World Ranking Tournament organizzat mill-Malta Pool Association. Fil-finali Pisani għeleb lil Jesmond Schembri bl-iskor konvinċenti ta’ 8-3. Fil-finali tal-kategorija taż-żgħażagħ Under 25’s Nicolo Agius Muscat għeleb lil Liam Mifsud bl-iskor ta’ 8-7 filwaqt li Matthias Debono rebaħ it-tieni tournament konsekuttiv tal-kategorija Under 20’s din id-darba b’ rebħa kbira ta’ 7-1 fuq Nick Muscat. Fil-kategorija tal-Over 50’s ħareġ rebbieħ Tonio Mifsud li fil-finali għeleb lil Marco Bonello bl-iskor ta’ 8-5.
Dan kien l-aħħar serje ta’ ranking tournaments għal dan l-istaġun biex issa ġew magħzula t-timijiet nazzjonali li ser jirrapreżentaw lil Malta fil-kampjonati mondjali li ser isiru fl-Irlanda f’ Ottubru li ġej. It-tim tal-irġiel huwa kompost minn Clayton Attard, Clayton Castaldi, Gary Carr, Ryan Pisani, Lydan Debono, Joseph Casha u Kevin Mercieca kif ukoll ir-rebbieħ fl-logħba deċisiva li ser tintlagħab bejn Jesmond Schembri u Wayne Bonnici.
It-tim taż-żgħażagħ ta’ taħt il-ħamsa u għoxrin sena jinkludi lil Dejan Grech, Scott Muscat, Chris Zarrarese u Nicolo Agius Muscat filwaqt Ii t-tim tal-Over 50’s huwa magħmul minn Ray Caruana, Antione Aquilina, Brian Grech, Tonio Mifsud, Christ Mills u Tony Muscat.
