Matthias Mizzi
BALZAN…………..0
SANTA LUCIA……3
Balzan: V. Vranes (R. Briffa 62’), A. Loof (M. Duric 46’), P. Fenech (S. Jalu 72’), M.Johnson, U. Ljubomirac (A. Bradshaw 88’), M. Zlatkovic (M. Grima 88’), N. Frendo, G. Camilleri, M. Mijic, A. Andrejic, B. Kaljevic
St. Lucia: J. Haber, A. Prates, J. Pisani (L McKay 90’), N. Pulis (E. Camilleri 90’), G. Conti, V. Plut (A. Da Silva 81’), A. Valpoort (J. Tanti 76’), V. Pretes, J. Zerafa (K. Xuereb 81’), D. Xuereb, Y. Soares
Skorjaw: Andres Prates 30’, G. Conti 45’, Vito Plut 76’
Imwissija: A. Loof 45’, M. Zlatkovic 51’, N, Frendo, M. Duric 55’, D. Xuereb 53’, A. Valpoort 57’
Referee: Ishmael Barbara
Assistenti Referees: Roberto Vella & James Muscat
BOV Plejer tal-logħba: Gianmarco Conti (STL)
Fit-Tony Bezzina Stadium, Santa Lucia kisbu tliet punti kruċjali biex momentarjament qabżu lill-istess Balzan. Fuq in-naħa l-oħra għal Balzan issa qed iberraq wara li f’termini ta’ klassifika niżlu fiż-żona ta’ relegazzjoni.
L-ewwel li marru viċin kienu Balzan fid-disa’ minuta permezz ta’ xutt minn barra ‘l kaxxa ta’ Paul Fenech. Wara din l-azzjoni kmieni fil-partita r-ritmu tal-logħba kkalma xi ftit. Fit-22 minuta Justin Haber kien sturmentali biex mill-viċin mblokka xutt b’saħħtu ta’ Augustine Loof wara pass fuqu minn Bojan Kaljevic. Proprju man-nofsiegħa logħob minn corner mogħti minn Jamie Zerafa d-difensur Andre Prates fetaħ l-iskor meta minn tgeġwiġija fil-kaxxa ż-żgħira xeħet il-ballun ġewwa mingħajr wisq diffikultà.
Fi ftuħ it-tieni taqsima Santa Lucia rdoppjaw l-iskor mal-ewwel. Kien it-Taljan Gianmarco Conti li minn barra ‘l kaxxa venven xutt b’saħħtu, li ħabat mad-difensur ta’ Balzan u qarraq għalkollox bil-gowlkeeper Vukasin Vranes. Għaxar minuti wara Vito Plut ħarab tajjeb f’kontrattakk madankollu l-konklużjoni tiegħu kienet imblokkata mid-difiża. Santa Lucia baqgħu jiddominaw il-partita għajr li fir-64 minuta Vito Plut ttanta xortih b’daqqa ta’ ras, li ġiet salvata faċilment minn Justin Haber. Fis-76 minuta l-Luċjani għalqu l-partita meta minn azzjoni personali fuq il-linja xellugija l-attakkant prolifiku Vito Plutm xeħet il-ballun fix-xibka. It-tim immexxi minn Giovanni Tedesco kompla fuq l-attakk tant li fil-85 minuta huma kienu ferm viċin għar-raba’ gowl b’xutt tas-sostitu Keiran Xuereb. Fl-aħħar mumenti Santa Lucia reġgħu kienu sfortunati meta minn kontrattakk Alan Da Silva Souza ra l-konklużjoni tiegħu fil-baxx tistampa mal-wieqfa.
