Rapport: Stewart Said
SLIEMA FRANK SALT………. 15
EXILES…………………………….. 7
(4-2), (5-3), (1-1), (5-1)
Għat-tieni darba f’din il-kompetizzjoni, Sliema Frank Salt għelbu lil Exiles biex assiguraw li jibqgħu fil-quċċata. Jekk fl-ewwel rawnd Sliema ddominaw, l-istorja ta’ din il-logħba kienet ftit differenti, għalkemm xorta kien jimmeritahom ir-rebħa. Għal Exiles irritorna l-kowċ Aurelien Cousin li kien assenti fl-aħħar partiti.
Sliema kisbu vantaġġ ta’ tliet gowls fl-ewwel sessjoni u dehru li resqin għal rebħa faċli. Iżda Exiles wieġbu b’żewġ gowls fi ftit ħin. Il-vantaġġ baqa’ ta’ żewġ gowls sal-ewwel minuti tat-tieni sakemm gowls minn Kieyan Borg, Jerome Gabarretta u John Brownrigg kabbru d-distakk għal 8-3.
Exiles baqgħu xorta jippruvaw biex iżommu r-riżultat viċin kemm jista’ jkun. Il-gowl ta’ Max Aquilina fil-bidu tat-tielet sessjoni deher li seta’ jagħti tama ġdida lil Exiles iżda ma rnexxielhomx ipoġġu biżżejjed pressjoni fuq l-avversarji, b’Mark Meli jagħmel l-iskor 10-6. Fl-aħħar sessjoni, Sliema komplew jieħdu vantaġġ mill-iżbalji tal-avversarji u wessgħu l-vantaġġ li ma jirriflettix il-prestazzjoni ta’ Exiles.
Sliema: N. Grixti, J. Gabarretta (2), L. Galea (2), D. Rizzo, M. Meli (2), B. Cachia (1), J. Cutajar (1), M. Mifsud (1), J. Brownrigg (1), K. Borg (1), Z. Mizzi, D. Zammit (4), A. Theuma, J. Saliba, T. Camilleri
Exiles: M. Castillo, N. Saliba, S. Apap, P. Paris, T. Sullivan (1), S. Xerri de Caro (1), M. Fenech, K. Griscti (1), N. Paris (2), J. Bajada (1), M. Aquilina (1), D. Fenech, G. Borg, L. Gialanze, M. Martellacci
Referees: Peter Balzan, Richard Magri
VALLETTA IZIBET……………. 13
BARRACUDAS………………… 4
(3-1), (2-1), (3-1), (5-1)
Valletta Izibet komplew isaħħu posthom fil-quċċata tal-Ewwel Diviżjoni b’rebħa komda fuq Barracudas, distakk li kiber gradwalment iżda b’mod speċjali fl-aħħar sessjoni.
Gowls minn Stephen Micallef u Daniel Paolella taw vantaġġ doppju lil Valletta. T.J. Mifsud naqqas id-distakk minn man-up sakemm Luke Hyzler reġa’ rdoppja l-vantaġġ. It-tim ta’ Joe Cremona kkonsolida l-vantaġġ fit-tieni sessjoni b’gowls ta’ Luca Felice u Tristan Said, b’Sean Aquilina jiskorja għal Barracudas bl-aħħar xutt tas-sessjoni.
Il-Beltin prattikament aċċertaw mir-rebħa fit-tielet sessjoni b’gowl ta’ Matthew Pace u doppjetta ta’ Nicholas Farrugia. Għalkemm it-tliet punti kienu assigurati, Valletta baqgħu jkabbru l-vantaġġ u rnexxielhom isibu x-xibka ħames darbiet oħra, tlieta minnhom minn man-up.
Valletta: B. Busuttil, N. Farrugia (2), M. Pace (2), L. Hyzler (1), Z. Micallef (1), T. Said (1), D. Paolella (1), K. Cremona (1), S. Micallef (2), J. Culic, K. Galea, O. Zammit, A. Bugeja, L. Felice (2)
Barracudas: C. Bugeja, A. Piccione (1), A. Magri, P. Micallef, D. Ciantar (1), V. Bartolo, S. Aquilina (1), L. Galea, D. Camilleri, A. Grima, A. Mifsud, T.J. Mifsud (1), L. Abela, J. Bugeja, N. Camenzuli
Referees: Alex de Raffaele, Stefan Licari
Logħob li jmiss
Għada
L-Ewwel Diviżjoni
Marsaskala v Otters 6.15pm
Kampjonat Premier
Neptunes v Birżebbuġa 7.20pm
San Ġiljan v Sirens 8.25pm
Kampjonat Premier
L R D T F K Pti
Sliema 6 6 0 0 85 25 18
San Ġiljan 5 4 0 1 59 29 12
Sirens 5 3 0 2 38 46 9
Neptunes 5 1 1 3 40 52 4
Birżebbuġa 5 1 1 3 33 61 4
Exiles 6 0 0 6 37 79 0
L-Ewwel Diviżjoni
L R D T F K Pti
Valletta 5 5 0 0 64 25 15
Marsaskala 4 3 0 1 60 17 9
Otters 4 1 1 2 27 56 4
Ta’ Xbiex 4 1 1 2 41 48 4
Barracudas 5 0 0 5 33 79 0
