Il-coach Ronald Koeman se jkun qed jieħu post il-coach tat-tim nazzjonali Olandiż Louis Van Gaal li fl-aħħar jiem ħabbar li qed jiġġieled il-marda tal-kanċer. Minkejja li qed jiġġieled kanċer fil-prostata, Van Gaal mistenni jmexxi lit-tim nazzjonali Olandiż fit-Tazza tad-Dinja fil-Qatar f’Novembru u Diċembru li ġejjin.
Koeman, eks coach ta’ Everton u Southampton fl-Ingilterra, ilu mingħajr club mill-bidu ta’ dan l-istaġun wara li tneħħa minn Barcelona. Din se tkun it-tieni esperjenza ta’ Koeman bħala coach tat-tim Olandiż, wara li mexxa lit-tim għall-finali tal-UEFA Nations League fl-2019, kif ukoll kwalifikazzjoni għall-Euro 2020.
Koeman qal li jinsab entużjast li jirritorna fit-tmexxija tat-tim filwaqt li qal li se jkompli jibni fuq l-ewwel esperjenza tiegħu.
