It-tim ta’ taħt id-19-il sena ta’ Dynamo Kiev sar l-ewwel club Ukren li lagħab sa mill-invażjoni tar-Russja fi Frar li għadda. Il-players ta’ Dynamo Kiev ħarġu fil-ground bil-bnadar Ukreni fejn inżammet minuta silenzju bi tfakkira għall-vittmi li tilfu ħajjithom matul l-42 ġurnata li għaddew.
Il-futbol u l-isport kollu fil-pajjiż jinsab sospiż bil-partita valida mill-playoffs tat-Tazza tad-Dinja tal-Ukrajna kontra l-Iskozja, mistennija tintlagħab f’Ġunju li ġej.
Il-partita ta’ Dynamo Kiev kellha tintlagħab fit-2 ta’ Marzu iżda Sporting irrifjutaw li jivvjaġġaw lejn il-pajjiż minħabba nuqqas ta’ sigurta’. Finalment il-partita intlagħbet 570 mil ‘il bogħod minn Kiev, fil-Giulesti Stadium, f’Bucharest ir-Rumanija.
