Inter baqgħu punt taħt Milan fit-tieni post tal-klassifika b’rebħa ta’ 2-0 fuq Verona. Inter fetħu l-iskor fit-22 minuta meta minn pass ta’ Ivan Perisic kien Nicolo Barella li xeħet fix-xibka għal 1-0. Inter prattikament għalqu l-partita mat-30 minuta meta għal darb’oħra kien Ivan Perisic li għadda lejn Edin Dzeko li kkonkluda fix-xibka għal riżultat finali ta’ 2-0.
F’Unipol Domus Juventus saħħew posthom fir-raba’ post tal-klassifika b’rebħa ta’ 2-1 fuq Cagliari. Kienu Cagliari li fetħu l-iskor fl-10 minuta meta minn pass ta’ Razavan Marin kien Joao Pedro li xeħet fix-xibka. Juventus kisbu d-draw fi tmiem l-ewwel taqsima permezz ta’ Matthijs de Ligt qabel fil-75 minuta kien Dusan Vlahovic li ta tliet punti kruċjali lil Juventus.
SERIE A
Illum: Empoli v Spezia 0-0, Inter v Verona 2-0, Cagliari v Juventus 1-2
