Il-player żgħażugħ ta’ Pieta Hotspurs Kian Leonardi se jħalli pajjiżna għal prova mat-tim tal-Primavera ta’ Sassuolo. Leonardi li għandu 17-il sena ddebutta mal-iskwadra ewlenija ta’ Pieta Hotspurs f’Diċembru, fir-rebħa fl-Izibet FA Trophy kontra Rabat Ajax, fejn kellu prestazzjoni mill-aqwa u skorja wkoll wieħed mill-penalties.
Leonardi jifforma wkoll parti mit-tim nazzjonali Malti ta’ taħt it-18-il sena. Din il-prova waslet wara li l-attakkant żagħżugħ beda kollaborazzjoni ma Sports Pro Management & Cosultancy, li għandhom relazzjoni tajba mal-klabb Taljan, tant li kienu ffaċilitaw it-trasferiment tal-internazzjonali Maltija Haley Bugeja.
