Fil-Matthew Micallef St.John Stadium Mireya Cassar kisret ir-rekord tal-hammer throw għal tliet darbiet matul l-istess kompetizzjoni. Cassar irnexxielha taqbeż id-distanza tal-50 metru, fejn tefgħet distanza ta’ 52.50 metru.
Cassar kisbet dan ir-riżultat waqt it-tieni Challenge Meeting fit-trakka tal-Marsa organizzat minn Athletics Malta.
Cassar li qed titħarreġ b’mod professjonali f’Mannheim fil-Ġermanja mal-coach ta’ fama mondjali Khalid Wajih, kisret ir-rekord tal-hammer throw fl-erba’ kompetizzjoni li ħadet sehem fihom matul dan l-istaġun, fosthom tliet kompetizzjonijiet barra minn Malta.
Mireya Cassar irnexxielha tikseb rekord nazzjonali ieħor fil-kategorija ta’ taħt l-20 sena fis-shot put.
