Il-Ħadd filgħaxija saret is-serata ta’ Miss Universe Malta, bir-rebbieħa tkun Maxine Formosa Gruppetta li mistennija tirrapreżenta lil Malta f’Diċembru li ġej fil-71 edizzjoni tal-konkors Miss Universe.
Kienet propju r-rebbieħa tas-sena l-oħra, Jade Cini li tat il-kuruna lil Maxine bħala r-rebbieħa ta’ din is-sena.
Maxine esprimiet ma’ Net News kemm tinsab kburija li ngħatat dan l-unur.
Minkejja li nannitha m’għadix magħna, Maxine temmen li hi verament tinsab kburija biha.
L-organizzatur, Alan J. Darmanin, spjegalna x-xogħol li sar għal din is-serata.
Intant, għall-konkors ta’ Dicembru, Maxine…li ghandha 21 sena…. se tkun qed titħarreġ fil-Miss Academy School fl-Istati Uniti.
